Entradas

A pé de rúa

Alumnos de Cisneros seguen inmersos no proxecto “Civismo versus Vandalismo” en colaboración con APES.  Esta vez tocoulle estar a pé de rúa co Test #VidaCívica .
Civismo vs Vandalismo é un enredo co que se pretende concienciar aos máis novos do problema de consumo de alcohol e o vandalismo.

Hoxe comezouse a recollida de datos; seguirase a facer e despois procesaranse e teredes os resultados publicados.

Desde aquí queremos agradecer a amabilidade dos enquisados que facilitaron o traballo dos nosos alumn@s:  un bo número de mozos e mozas ademais de ex-alumnos e representantes de Tixola Tapería Vinoteca, Turini Sport, La Voz de Galicia, Aula da Natureza, … e moitos máis que agardamos…  Graciñas…

Sobre vandalismo sabías que…

Sabías que o delito de vandalismo (danos) aparece tipificado no artigo 263 do Código Penal?

Se é inferior a 400 euros, establécese unha pena de 1 a 3 meses e se é superior de 6 a 24 meses, atendendo á condición económica da vítima e a contía do dano.
Establécese o límite dos 14 anos de idade para esixir a responsabilidade penal do menor sancionadora aos menores de idade penal. Se un menor de idade comete un delito, que produce un dano ou prexuízo (material ou moral) á vítima, existe unha responsabilidade civil a favor desta da que responde o propio menor.

Pero a Lei Orgánica 5/2000 de responsabilidade penal do menor ( Artigo 61) tamén traslada esa responsabilidade aos pais, titores, acolledores e guardadores legais ou de feito, por esta orde.
Os pais de todo menor que fose condenado por un delito, que dea lugar a unha indemnización para a vítima, son responsables civís, cos seus bens presentes e futuros, do pago desa indemnización.

As denuncias por vandalismo deben interporse ante a Policía (se a situación se da dentro da cidade) ou Garda Civil (rural) e Xulgado de Garda (para non ter que acudir a ratificar a denuncia).

(Fonte: http://www.apesasociacion.org)

Noticia sobre vandalismo

No xornal “La Región” de Ourense, o 20 de marzo de 2017 aparece a seguinte nova:

Denunciado un joven en Ourense por pintadas en unas puertas metálicas

El chico, de 19 años, fue pillado con cuatro botes de pintura tras la alerta de un vecino de la ciudad por pintadas en la ouerta de entrada a un garaje

Podedes ler todo o texto en:

http://www.laregion.es/articulo/ourense/denunciado-joven-ourense-pintadas-puertas-metalicas/20170320094043694976.html

O proxecto de Vandalismo no Belén

O Belén do Colexio Cardenal Cisneros gañou o 1º Premio do XXI Concurso de Beléns  Públicos de Ourense  na Categoría de centros escolares,  aqueles confeccionados por alumnado de ensino non universitario (houbo vintedous participantes).

O  traballo foi realizado con rolos de papel e moita imaxinación. Con eles construiron as figuras principais do misterio e representaron persoeiros e acontecementos ocorridos ao longo do ano: afiador, o carro do Xocas, … os 40 anos da carreira San Martiño, os 50 anos da posta en marcha da Central de Velle, os 1700 anos do nacemento de San Martiño con exposición filatélica, homenaxe ao Chapacoense, o parque infantil de tráfico, …

E non podía faltar un “guiño” ao proxecto sobre o vandalismo no que estamos inmersos…. No Belén aparecen uns varredores recollendo o lixo ao carón dun cartel no que se transforman a palabra vandalismo en civismo.

 

 

Graffiti é arte

O 5 de decembro de 2016 un grupo de alumnos descubriron in situ o valor dun traballo artístico:  o GRAFFITI.  É unha obra de arte pictórica realizada nunha parede, un muro, … ou nun contedor neste caso.

Está exposto de xeito público para que todos o vexan e o disfruten día a día.

Nada que ver coas pintadas en lugares da cidade que son actos vandálicos.

O día do voluntariado, os alumnos diferencian pintada (acto vandálico), de graffiti (arte pictótica)

Os alumnos ao carón dun contedor decorado con graffiti para a ocasión

Clausura proxecto Cuestión de Xénero 2016

O xoves 16 de xuño de 2016 celebrarase a clausura do proxecto “Cuestión de xénero” que Cisneros leva desenvolvendo durante este curso en colaboración con APES.

Estaremos no Espazo Xove para ensinar os nosos traballos e, sobre todo, para dar conta do traballo de concienciación sobre a violencia de xénero en rapaces e rapazas novos.

Para rematar a nosa parte do acto, temos o pracer de contar cun ex-alumno do colexio, o recanteiro Marcos Pardo que interpretará unha canción composta por el para o proxecto: “Maldito silencio”

Xa vos contaremos…

Clausura 2016 APES

Colección filatelia sobre violencia de xénero

Alumnos de Cisneros quixeron plasmar os seus coñecementos adquiridos sobre violencia de xénero nuha colección temática de filatelia.

O seu traballo está exposto no Auditorio Municipal de Ourense do 27 de maio ao 5 de xuño de 2016 dentro da XXVIII EXFIGALICIA 2016, Campionato Galego de Filatelia.

Está provocando moito interese, ata o punto de que participa en competición.

A súa puntuación o sábado 4 de xuño…

DSC_0694 (Copiar)

 

 

Violencia de Xénero na filatelia

Os alumnos de Cisneros, inmersos no proxecto “Cuestión de xénero” con APES decidiron buscar material filatélico sobre a violencia de xénero para montar unha colección temática.

Esta modalidade de presentación de traballos consiste en elixir un tema e facer o desenrolo  do mesmo empregando como ilustracións selos de Correos, sobres, tarxetas, …

Todo está iniciado xa hai tempo e están ultimando detalles xa que a colección participará no Campionato galego de Filatelia, EXFIGALICIA 2016 que se celebra en Ourense do 28 de maio ao 5 xuño organizado pola Sociedade Filatélica, Numismática e Vitolfílica Miño da cidade.

Un adianto…

20160511_085856 (Copiar)

Algún material do que aparecerá no traballo

20160511_094805 (Copiar)

Escollendo pezas

Xa iremos contando algo máis…